വാഴമുട്ടം ഗവൺമെന്റ് ഹൈസ്കൂളിനെ മികവിൻ്റെ കേന്ദ്രമാക്കുന്നതിലേക്കായി 11.30 കോടി രൂപയുടെ പദ്ധതി

വാഴമുട്ടം ഗവൺമെന്റ് ഹൈസ്കൂളിനെ മികവിൻ്റെ കേന്ദ്രമാക്കുന്നതിലേക്കായി 11.30 കോടി രൂപയുടെ പദ്ധതി നടപ്പാക്കും. മൂന്ന് ഘട്ടങ്ങളിലായാണ് പദ്ധതി നടപ്പിലാക്കുന്നത്. ആദ്യഘട്ടമായി 6 കോടി 30 ലക്ഷം രൂപ ചെലവിൽ ബഹുനില മന്ദിരം നിർമിക്കും. ഒന്നാം ഘട്ടത്തിൽ 5 കോടി രൂപ വിദ്യാഭ്യാസ വകുപ്പിൻ്റെ പ്ലാൻ ഫണ്ടിൽ നിന്നും, ബാക്കി 1 കോടി 30 ലക്ഷം രൂപ കിഫ്ബി ഫണ്ടിൽ നിന്നും ലഭ്യമാക്കും. രണ്ടാം ഘട്ടമായി 5 കോടി രൂപയുടെ പ്രവൃത്തി ഡിസംബറിൽ തുടങ്ങും. 3 ഘട്ടങ്ങളിലുമായി ആകെ എഴുപത്തി അയ്യായിരം ചതുരശ്ര അടിയിലായി 37 ക്ലാസ് റൂമുകൾ,7 സ്റ്റാഫ് റൂമുകൾ, 1 സെമിനാർ ഹാൾ,5 യൂട്ടിലിറ്റി റൂമുകൾ,2 സോഫ്റ്റ് പ്ലെയിംഗ് ഹാളുകൾ,എല്ലാ ബ്ലോക്കിലും എല്ലാ നിലയിലുമായി ആകെ 18 ടോയ്ലറ്റുകൾ,ലിഫ്റ്റ് സൗകര്യം തുടങ്ങിയവ ഉൾക്കൊള്ളുന്നതാണ് വിഭാവനം ചെയ്ത ബഹുനില മന്ദിരം.