ജർമൻ റെയിൽവേ സംരംഭത്തിൽ മലയാളികൾക്ക് തൊഴിലവസരങ്ങളുമായി ജർമ്മൻ പ്രതിനിധി സംഘം കേരളത്തിൽ

ജർമൻ റെയിൽവേ സംരംഭത്തിൽ മലയാളികളെ നിയമിക്കുന്നതുമായി ബന്ധപ്പെട്ട പ്രാരംഭ ചർച്ചകൾക്കായി ജർമ്മൻ പ്രതിനിധി സംഘം കേരളത്തിലെത്തി കൂടിക്കാഴ്ച നടത്തി. ഡോയ്ച് ബാൻ എന്നത് ജർമ്മൻ സർക്കാറിന്റെ ഉടമസ്ഥതയിലുള്ള ഒരു റെയിൽവേ സംരംഭമാണ്. നിലവിൽ 9,000 കിലോമീറ്ററോളം അവരുടെ റെയിൽവേയുടെ നവീകരണ പ്രവർത്തനങ്ങൾ നടന്നു വരുകയാണ്. ആയത് 2030 ത്തോടെ പൂർത്തിയാകേണ്ടതുമാണ്. ഇതിനായി നിലവിൽ മെക്കാനിക്കൽ, സിവിൽ മേഖലകളിൽ നിന്നുള്ള ഐ ടി ഐ, എഞ്ചിനീയറിംഗ് , പോളിടെക്‌നിക്‌ എന്നി സാങ്കേതിക വിദ്യാഭ്യാസ യോഗ്യതകളുള്ള ഉദ്യോഗാർഥികളുടെ വലിയതോതിലുള്ള ആവശ്യകത ജർമ്മനിക്കുണ്ട്. ആയത് പരിഹരിക്കുന്നതിനായി ഡോയ്ച് ബാനിന് അനുയോജ്യമായ ഉദ്യോഗാർത്ഥികളെ കണ്ടത്തി , നൈപുണ്യ വികസനവും , ഓൺ ദ ജോബ് ട്രെയിനിങ് എന്നിവ സംസ്ഥാന നൈപുണ്യ വികസന മിഷനായ കെയ്‌സ് വഴി നടപ്പിലാക്കാൻ സാധിക്കുമോ എന്നത് സംബന്ധിച്ച ചർച്ചയ്ക്കായാണ് സംഘം എത്തിയത്.

കേരള സർക്കാരും ജർമ്മൻ ഫെഡറൽ എംപ്ലോയ്‌മെന്റ് ഏജൻസിയും ജർമ്മൻ ഏജൻസി ഫോർ ഇന്റർനാഷണൽ കോ-ഓപ്പറേഷനും സംയുക്തമായി ഇതിനോടകം തന്നെ ആരോഗ്യ മേഖലയിൽ ” ട്രിപ്പിൾ വിൻ ” എന്ന പേരിൽ ഒരു പദ്ധതി വിജയകരമായി നടപ്പിലാക്കി വരുന്നുണ്ട്. ഈ പദ്ധതിപ്രകാരം തിരഞ്ഞെടുക്കപ്പെടുന്നവർക്ക് ജർമൻ ഭാഷയിൽ എ1, എ2, ബി1 വരെയുളള പരിശീലനം പൂർണ്ണമായും സൗജന്യമായിരിക്കും. തുടർന്ന് ജർമനിയിൽ നിയമനത്തിന് ശേഷം ജർമ്മൻ ഭാഷയിൽ ബി 2 ലെവൽ പരിശീലനവും ലഭിക്കും. സംസ്ഥാന നൈപുണ്യ വികസന മിഷനെന്ന നിലയിൽ അന്താരാഷ്‌ട്ര മൊബിലിറ്റി സുഗമമാക്കുക എന്ന ലക്ഷ്യവും കെയ്‌സിൽ അർപ്പിതമാണ് . ആയതിലേക്കായി ട്രിപ്പിൾ വിൻ മോഡലിന് സമാനമായ ഒരു ചട്ടക്കൂട് ജർമ്മൻ റെയിൽവേയിലേക്കുള്ള “എഞ്ചിനീയറിംഗ്/ ITI/ പോളിടെക്‌നിക്‌ പ്രൊഫഷണലുകൾക്ക് വേണ്ടി കൂടി തയ്യാറാക്കാൻ സാധിച്ചാൽ ആയത് കേരളത്തിലെ സാങ്കേതിക യോഗ്യതയുള്ള യുവജനങ്ങൾക്ക്‌ ഒരു മുതൽകൂട്ടാവും.

1. H.E. Achim Burkart, Hon’ble Consul General, Federal Republic of Germany
2. Dr. Syed Ibrahim, Honorary Consul of the Federal Republic of Germany
3. Uwe Neumann, Head of Infrastructure Procurement, DB AG
4. Hr. Matthias Rolf Buhler, Head of International Procurement Office Asia, DB AG
5. Dr. Wilfried Krüger, the CEO, HandsOn, German Consultancy company
6. Mr. Bernhard Krieger, the Business Head, HandsOn, German Consultancy company

തുടങ്ങിയവരും വ്യവസായിക പരിശീലന വകുപ്പ് ഡയറക്ട റും KASE എം ഡിയുമായ ഡോ. വീണ മാധവൻ ഐ എ എസും കൂടിക്കാഴ്ചയിൽ സന്നിഹിതയായിരുന്നു.